AÝRALYK

Ýüregiñde baky ýaşaryn öýtdüm,

Ýürek dälmidir nä söýgiñ mekany?

Ýöne ajy aýralyga duş gelip,

Gyzgyn ýürek sowap, aýady jany…

Gözleriñde baky ýaşaryn öýtdüm,

Dañynany ýaşyl, geýeni gülgün!

Emma seniñ gije ýaly gözleñden

Gözýaşa öwrülip, çykdym men bir gün.

Ýañaklañda baky ýaşaryn öýtdüm,

Al ýañakda galmak bagt dälmidi nä?

Emma ýeller meni guratdy gitdi,

Señem gül ýüzüñde galmady günä.