AÝLY GIJE Aýly gije. Ak tümlük. Töwerek-daş ümsümlik. Ýar bilen ýap boýunda Ümür-dumana çümdük. Bizi gorar bu gije, Gorar bizi ak tümlük. Gulak salma çybşylda, Hiç kim ýog-a! Ümsümlik! Bu maýsaly meýdanlar Bize haly-kilimdir. Gorkma, eneñ gözlemez, Ol eýýäm irkilendir! Boýdaşlaryñ derekler Hatara düzülip dur. Saña meñzeş ýyldyzlañ Gözleri süzülip dur... Tisginme sen, ezizim, Ol balyk suwda bökdi. Ýa derekler biz hakda Bir birne çawuş çakdy! Guş oýanyp, ganatyn Batly kakandyr çenden? Şemal gondy gamyşa, Pyşyrdy çykýar şondan. Eglen, ýarym, ýanymda, Bu agşam tiz geçipdir. Täzeden suw alaýyn, Küýzäñe Aý gaçypdyr! |