|
NÄSAGLAMAK, Bir kesele duçar bolmak, nähoş bolmak, syrkawlamak. Täze mirabymyz näsaglan dagy bolaýmasyn! («Kolhoz günleri»).
NÄSAGLYK, Bir kesele duçar bolmaklyk, sag dällik, Kesellilik, nähoşluk, syrkawlyk. Gyzzyrma kese umumy näsaglykdan başlanýar (A. Akyew, Gyzzyrma keseli we oňa garşy göreş çäreleri).
NÄSAGÇYLYK, ser. Näsaglyk. Näsagçylyk ilerki obalara-da ýaýrapdyr (G. Kulyew, Köpetdagyň aňyrysynda).
NÄSAZ,[näsa:z]. 1. Arasy bozuk, agzala, oňşuksyz.Näsaz adamlar. 2. Harap bolan, zaýalanan, bozulan. Mehanizm näsaz işleýär. 3. Saz däl, ritmik däl. Ýüregiň näsaz urmagy.
NÄSAZLYK, [näsa:zlyk], 1. Arasy bozuklyk, oňşuksyzlyk, agzalalyk. Aramyzda bir azajyk näsazlyk hem bolaýýar («Sowet edebiýaty» žurnaly). 2. Zaýalyk, bozuklyk, haraplyk. Sagadyň işleýşiniň näsazlygy. 3. Saz dällik, ritmik dällik. |